Rom 12 | PONPDN | STEP | Rl ai kan, i ap panaui komail pweki kalanan en Kot, komail en kida war omail, pwen wiala mairon maur, me saraui o kaperenda kupur en Kot, iei omail kaudok me pun.

Romans 12

1 Rl ai kan, i ap panaui komail pweki kalanan en Kot, komail en kida war omail, pwen wiala mairon maur, me saraui o kaperenda kupur en Kot, iei omail kaudok me pun. 2 Komail der kaalemonin sappa, a komail en kawilikapada lol omail, pwe komail en kak kasauiada, da me kupur en Kot, me mau o kaperen, o unsok. 3 Ki mak, me i aleer, i indan amen amen nan pun omail, ender inon ion pein i, laude san me kon on, a en lamelame me a en pun, duen Kot kotin nek on amen amen wan a poson. 4 Pwe duen ni pali war atail kokon toto mia, a dodok en kokon akan kaidin dupeneta, 5 lduen kitail me toto, war ta ieu ren Kristus, kitail ap kokon pena nan pun atail. 6 Atail pai en mak akan mia ap toror pasan, duen mak o me kitail aleer: Ma deideikop kitail en kokopada duen wan poson, 7 O ma dodok eu, kitail en kolekol atail dodok; o ma saunpadak amen, i en wiada padak, 8 Ma amen kin panaui, i en panaui, ma amen kin kisakis wei, a en opampap, ma kaun amen, a en kanekanaion, ma amen, kin kalanan, a en peren kida. 9 Omail limpok ender sapun, tateki me sued, teneten ni me mau. 10 Omail limpok pena en tapi san monion omail; wauneki amen, mon a pan waune kin uk. 11 Der tanana ni omail dodok; nen omail en inon ion dodok on Kaun O. 12 Peren ni kaporopor; kanonama ni ansau apwal; podidi on kapakap. 13 Kisakis on saraui samama kan; kasamo ki peren. 14 Kapaiada me kin paki komail; kapaiada o der kariala. 15 Perenda ren me popol akan; o sanesan ren me sanesan kan. 16 Komail minimin pena ni omail lamelam, der inon ion meakot me lapalap, a inon ion me tikitik; komail der aklolikon. 17 Komail der depukki on en amen a me sued me sued, a inon ion me kon on aramas akan karos. 18 Ma a pan kak pa omail, polaul on aramas akan karos. 19 Kompoke pai ko, komail der pein depuk, o komail der madan makar, pwe a intinidier: Ai depuk, Nai me pan depuk, me Kaun o kotin masani. 20 Ari, ma om imwintiti amen men manadar, kamana i; ma a men nim piladar, kanim pileda, pwe ma koe pan wia mepukat, nan koe ap pan ki penan mon a kol molus. 21 Koe der lodi on me sued, a poekidi me sued me mau.